လေလည်တိုင်း ချောကလက်နံ့၊ နှင်းဆီနံ့သင်းစေမယ့် ဆေးတောင့်ကို ဈေးကွက်တွင်းရောင်းချ

လေလည်လို့ ထွက်လာတဲ့အနုံ့ကို လူတွေက မနှစ်သက်ကြပါဘူး။ ယဉ်ကျေးမှုအဆင့်အတန်း ဘယ်လောက်ပဲ မြင့်တဲ့နိုင်ငံတွေမှာပဲဖြစ်ဖြစ် လေလည်ခြင်းကို ကိုယ်မဟုတ်ရင် မနှစ်မြို့ကြတာအမှန်ပါ။ လေလည်တဲ့အခါ အစာဟောင်းတွေရဲ့အနံကို ရောပြွမ်းဓာတ်ပြုပြီး ထွက်လာတဲ့အနံ့က ဆိုးလွန်းပါတယ်။

လေလည်တဲ့အခါ ချောကလက်နံ့၊ နှင်းဆီနံ့သင်းစေမယ့်ဆေးတောင့်ကို ပြင်သစ်တီထွင်သူတစ်ဦးက တီထွင်ပြီး အခု စျေးကွက်ထဲမှာ ရောင်းချနေပြီလို့ သိရပါတယ်။ တီထွင်သူရဲ့နာမည်ကတော့ Christian Poincheval ဖြစ်ပြီး၊ ဆေးတောင့်ကို သောက်လိုက်ရုံနဲ့-

လေလည်တဲ့အနံ့ဟာ ခရမ်းရင့်ရောင်နှင်းဆီက နှင်းဆီနီရဲရဲတွေရဲ့အနံ့လို၊ ချောကလက်အနံ့ကနေ ဂျင်းတက်ရဲ့အနံလိုမျိုး စွန့်ထုတ်နိုင်မှာဖြစ်ကြောင်း Christian က ပြောပါတယ်။ ဒီလိုဖြစ်ဖို့အတွက် ဆေးတောင့်ကို ဘာဓာတုပစ္စည်းမှ သုံးစွဲထားခြင်းမရှိဘဲ သဘာဝအတိုင်း ထုတ်လုပ်ထားတာပါတဲ့။

Christian က ” ဒီကောင်လေး သောက်ထားရင် ကိုယ်ထိုင်နေတဲ့ စားပွဲပတ်ပတ်လည်က လူတွေအတွက် စိတ်ပူစရာမလိုတော့ဘူး … သူတို့တစ်တွေ သဘောတောင် ကျကြဦးမှာ … ဒါပေမယ့် အသံအကျယ်ကြီးဖြစ်သွားရင်တော့ စိတ်အနှောက်အယှက် ဖြစ်မှာပေါ့ … အနံ့အတွက်ကတော့ ကိစ္စမရှိပါဘူး “လို့ ပြောခဲ့ပါတယ်။

Christian ဟာ အဲဒီဆေးတောင့်ကို (၂၀၀၄)ခုနှစ်ကတည်းက ထုတ်လုပ်ခဲ့တာဖြစ်ပြီး၊ အခုဆို ရောင်းစျေးကတေ့ (၅.၉၉)ဒေါ်လာလို့ သိရပါတယ်။ မြန််မာကျပ်ငွေနဲ့ဆိုရင်တော့ ကျပ်တစ်သောင်းနီးပါးလောက် ရှိမယ်လို့ ခန့်မှန်းရပါတယ်။