(၆)လအဓိဌာန် ဝင်ခဲ့ရာကနေ သိန်းတစ်သောင်းခွဲကံထူးခဲ့သူ

ဒီကနေ့ ဒီဇင်ဘာလ (၁)ရက်နေ့မှာ ထွက်ရှိတဲ့ အောက်ဘာလေထီဆုရဲ့ အမြင့်ဆုံးဆုဖြစ်တဲ့ ကျပ်သိန်းတစ်သောင်းခွဲဆုကို ပဲခူးမြို့နေ မိသားစုတစ်စုကကံထူးခဲ့ပါတယ်။

၂၂ ကြိမ်မြောက် သိန်းတစ်သောင်းခွဲဆုကို ဂ- ၄၇၇၄၀၆ နံပတ်နဲ့ ကံထူးခဲ့တာဖြစ်ပြီး ကံထူးရှင်အမျိုးသမီးက ဘာသာရေး အလွန်လိုက်စားသူဖြစ်ကာ လွန်ခဲ့တဲ့ (၆)လလောက်ကတည်းက အဓိဌာန်ဝင်ကာ ထီထိုးခဲ့သူဖြစ်တယ်လို့ သိရပါတယ်။

“ ပေါက်တာက ကျွန်တော့်အမျိုးသမီးပါ။ မင်္ဂလာစုံတွဲကနေပေါက်တာ။ သူကဘုရားတရားအရမ်းလုပ်တယ်တယ်။ကံကောင်းတာပေါ့။ ကျွန်တော်ဆို လတိုင်း ထီ (၄)-(၅)သိန်းဖိုးထိုးတယ်။ ဆုကြီးဆိုတာမပေါက်ဖူးဘူး။ အမျိုးသမီးကလွန်ခဲ့တဲ့ (၆)လလောက်ကတည်းက အဓိဌာန်ဝင်လာတာ။ အခုလည်းတရားထိုင်နေတယ်။ သူလုပ်တဲ့ကုသိုလ်တွေက သူ့ကိုအကျိုးပေးတယ်ပြောရမလားမသိဘူး”လို့ ကံထူးရှင်ရဲ့ အမျိုးသားဖြစ်သူ ဦးစိုးဦးက Duwun ကို ပြောပါတယ်။

ကံထူးရှင် မိသားစုက မိသားစု(၆)ဦးရှိကာ အိမ်ထောင်ဦးစီးဖြစ်သူ ဦးစိုးဦးက လစဉ် ထီကို (၄)-(၅)သိန်းဖိုးထိုးလေ့ရှိသူပါ။

လစဉ် (၅)သောင်းစုတွေပေါက်လေ့ရှိပြီး ဒီလမှာ အမျိုးသမီးဖြစ်သူက ကျပ်သိန်းတစ်သောင်းခွဲကို ကံထူးခဲ့တာဖြစ်ပြီး အမျိုးသားကလည်း (၅)သောင်းစု (၄)စုကံထူးခဲ့တယ်လို့ သိရပါတယ်။

ကံထူးတဲ့ထီဆုငွေတွေကိုတော့ အမျိုးသမီးရဲ့ ဆန္ဒအတိုင်း လုပ်ပေးသွားမှာပါလို့ ဦးစိုးဦးကပြောပါတယ်။

အောင်ဘာလေထီကို ၂၀၁၉ ခုနှစ် ဖေဖော်််ဝါရီလကစတင်ပြီး အမြင့်ဆုံးဆုငွေ သိန်းတစ်သောင်းခွဲ အထိ တိုးမြှင့်ပေးခဲ့တာဖြစ်ပြီး အခုဆိုရင် ၂၂ ကြိမ်မြောက်ရှိနေပြီဖြစ်ပါတယ်။

Duwun Media

Be the first to comment

Leave a Reply

Your email address will not be published.


*