ငါတို့အိမ်လေးရဲရဲနီ ပြည်သူချစ်တဲ့ NLD ပြိုင်ပွဲမှာ ပထမဆုရရှိခဲ့တဲ့ ငွေဇင်လှိုင်းတို့အိမ်

မြန်မာအိုင်ဒေါ Season-3 ပြိုင်ပွဲကနေတဆင့် ပရိသတ်အချစ်ကိုသိမ်းပိုက်ခဲ့တဲ့ ငွေဇင်လှိုင်းကတော့ တမူးသူလေးတစ်ယောက်လည်း ဖြစ်ပါတယ်။ အနုပညာအလုပ်တွေလုပ်ဖို့အတွက် ရန်ကုန်မှာအများဆုံးနေထိုင်လေ့ရှိပေမယ့်လည်း ရံဖန်ရံခါ မွေးရပ်မြေဇာတိမြို့လေးကိုပြန်ကာ အလွမ်းသယ်လေ့ရှိသူပါ။ လွန်ခဲ့တဲ့ရက်ပိုင်းက တမူးမြို့က အိမ်လေးနဲ့ ငါတို့အိမ်လေးရဲရဲနီ ပြည်သူချစ်တဲ့ NLD ပြိုင်ပွဲကို ဝင်ပြိုင်ခဲ့တဲ့ငွေဇင်လှိုင်းကတော့ ဒီနေ့မှာ ပရိသတ်ကြီးအတွက် သတင်းကောင်းလေးကို မျှဝေခဲ့ပါတယ်။

လတ်တလောကာလကတော့ (၂၀၂၀) ရွေးကောက်ပွဲအတွက် မဲဆွယ်ကာလလည်း ဖြစ်တာကြောင့် နိုင်ငံသားတိုင်း ကိုယ်ယုံကြည်ရာပါတီကို လွတ်လပ်စွာမဲဆွယ်ခွင့်ရှိသလို အိမ်တော်တော်များများရဲ့အရှေ့မှာလည်း ကိုယ်ယုံကြည်ရာပါတီရဲ့ အလံအသီးသီးကို စိုက်ထူထားတာကိုတွေ့ရမှာပါ။ ငွေဇင်လှိုင်းတို့မိသားစုကတော့ NLD ပါတီကို လက်ခံယုံကြည်သူတွေဖြစ်တာကြောင့် အမေစုပုံတွေ၊ NLD အလံတွေနဲ့ တစ်အိမ်လုံးကို အလှဆင်ထားခဲ့ပြီး ဒီပြိုင်ပွဲလေးကို ဝင်ပြိုင်ဖြစ်ခဲ့တာပါ။

ငွေဇင်လှိုင်းကတော့ ဆန်ခါတင်အဆင့်မှာ ပါလာကတည်းက ဆုရရ၊ မရရ ဝမ်းသာကြည်နူးစွာမျှဝေခဲ့သူဖြစ်ပြီး မနေ့က ဖိုင်နယ်အဆင့်ရွေးချယ်ပွဲမှာတော့ ပထမဆုရရှိခဲ့ပြီဖြစ်ကြောင်း သိရပါတယ် ပရိသတ်ကြီးရေ.. နောက်ဆုံးအဆင့်ရွေးချယ်မှုကိုတော့ ပရိသတ်တွေရဲ့ Like and React ပေးတာနဲ့ရွေးချယ်ခဲ့တာဖြစ်ပြီး ငွေဇင်လှိုင်းတို့ အိမ်ကတော့ Like 7.5K နဲ့အနိုင်ရရှိသွားခဲ့တာမို့ အားလုံးရဲ့အချစ်တွေနဲ့ ပထမဆု ရခဲ့ပြီဖြစ်ကြောင်း ငွေဇင်လှိုင်းကတော့ ဝမ်းသာဂုဏ်ယူစွာနဲ့မျှဝေပေးခဲ့တာပဲ ဖြစ်ပါတယ်။

Be the first to comment

Leave a Reply

Your email address will not be published.


*