ဘယ်ရာသီခွင်တွေက အချစ်ရေးမှာ သစ္စာအရှိဆုံး နှင့် သစ္စာမရှိဆုံး ဖြစ်မလဲ ? ရာသီခွင်အလိုက် ကြည့်နိုင်ပါပြီ

 

(၁၂)လရာသီခွင်တွေရဲ့ သဘောသဘာဝအရ ထွက်ပေါ်လာတဲ့ လက္ခဏာရပ်တွေ များစွာရှိတဲ့အနက်မှ သစ္စာအရှိတတ်ဆုံးရာသီခွင်တွေအကြောင်းကို ဖော်ပြပေးချင်ပါတယ်။ သစ္စာအရှိဆုံးတွေကနေ မရှိဆုံးအထိ အစဉ်လိုက်စီပေးထားပါတယ်။

ကိုယ့်ရာသီခွင်တွေနဲ့ တိုက်ကြည့်ပြီး မှန်မမှန်လည်း ပြန်ပြောဦးနော်

 

(၁) Cancer (ကရကဋ်)- June 22 to July 22

ကရကဋ်ရာသီဖွားနဲ့ချစ်မိပြီဆိုရင် တစ်ဘဝစာလက်တွဲဖော်ရပြီလို့သာမှတ်လိုက်ပါ။ သူတို့ဟာ သစ္စာအရမ်းရှိပြီး သင်လည်း သူတို့ဆီက ယုံကြည်မှုပြန်ရလိုက်ပြီဆိုရင် နှစ်ဦးနှစ်ဖက်နားလည်မှုရှိစွာ တစ်သက်လုံးလက်တွဲသွားနိုင်ကြမှာပါ။

(၂) Leo (သိဟ်)- July 23 to Aug 23

သိဟ်ရာသီဖွားတွေဟာ အချစ်ရေးမှာ အဆင်မပြေတတ်လို့ သူတို့ကို သစ္စာမရှိဘူးထင်ရင် မှားသွားပါလိမ့်မယ်။ သူတို့က ကိုယ့်ကိုယ်ကို ဘဝင်မြင့်တတ်ကြပေမယ့် လုံလောက်တဲ့ ဂရုစိုက်မှုမျိုးပေးရင် သင့်ကိုလည်း တစ်သက်လုံးသစ္စာရှိသွားနိုင်ကြသူတွေပါ။

(၃) Capricorn (မကာရ)- Dec 22 to Jan 20

မကာရတွေနဲ့ ပတ်သက်ဖူးသူတိုင်း သူတို့ဟာ ဘယ်လောက်စိတ်ရှုပ်စရာကောင်းလဲဆိုတာသိကြမှာပါ။ သူတို့ဟာ ထိခိုက်လွယ်ပြီး ချစ်ရမှာလည်း ကြောက်လေ့ရှိကြပေမယ့် သူတို့တကယ်ချစ်မိသွားပြီဆိုရင် သင့်အတွက် သစ္စာရှိမှုအပြည့်အဝပေးကြပါတယ်။

(၄) Auquarius (ကုံ)- Jan 21 to Feb 18

ကုံရာသီဖွားတွေက အချစ်ရေးတစ်ခုကိုတောင် မနည်းရအောင် ထိန်းထားရသူတွေဖြစ်တဲ့အတွက် တစ်ခုထက် ပိုတဲ့အချစ်ရေး သူတို့မှာ မရှိပါဘူး။ သူတို့ဟာ လူမှုရေးလည်း သိပ်မကောင်းတဲ့အတွက် ခြေရှုပ်မှာလည်း ပူစရာမလိုပါဘူး။

(၅) Taurus (ပြိဿ)- April 21 to May 20

ပြိဿတွေဟာ အရမ်းတွယ်ကပ်လွန်းတတ်တဲ့ချစ်သူတွေဖြစ်ပြီး သင့်အပေါ်ဘယ်တော့မှ သစ္စာဖောက်မှာမဟုတ်ပါဘူး။ သင်မှားနေခဲ့ရင်တောင် သင့်အပေါ်နားလည်ပေးနိုင်တဲ့ ပြိဿဟာ တစ်ဘဝလုံးမှာ တွေ့ဖူးတဲ့ သစ္စာအရှိဆုံးသူတစ်ဦးဖြစ်မှာပါ။

(၆) Virgo (ကန်)- Aug 24 to Sep 23

ကန်ရာသီဖွားတို့ဟာ ကိုယ့်ကျင့်တရားနဲ့ပတ်သက်ရင် စံနှုန်းမြင့်သူတွေဖြစ်တာကြောင့် သစ္စာဖောက်ခြင်းကို အရမ်းမုန်းကြပါတယ်။ တကယ်ချစ်မိသွားပြီဆိုရင် ဘယ်လိုအခြေအနေမျိုးမှာပဲဖြစ်ဖြစ် လုံးဝလက်မလျှော့ပဲ သည်းခံပြီး ဆက်ချစ်တတ်ကြသူတွေပါ။

(၇) Aries (မိဿ)- Mar 21 to April 20

မိဿတွေကတော့ အချစ်ရေးမှာ အရမ်းရိုးလွယ် ပြောင်းလဲလွယ်ကြသူတွေပါ။ အချစ်ရေးမှာဆိုရင် အဆင့်လည်း အရမ်းတက်လိုကြသူတွေဖြစ်ပြီး တစ်ဦးနဲ့လည်း ကြာကြာမနေနိုင်ကြသူတွေဖြစ်ပါတယ်။

(၈) Libra (တူ)- Sep 24 to Oct 23

တူရာသီဖွားတွေက အတွေးလွန်တတ်ကြသူတွေပါ။ အချစ်ရေးမှာ အမြဲအတွေးလွန်တတ်တာကြောင့် နောက်တစ်ယောက်ချစ်ဖို့ အမြဲတွေးတတ်ကြပါတယ်။ သူတို့ရဲ့ တက်ကြွနေတဲ့ စိတ်ကြောင့် ခြေငြိမ်ဖို့ခက်ပါတယ်။

(၉) Scorpio (ဗြိစ္ဆာ)- Oct 24 to Nov 22

ဗြိစ္ဆာတွေဟာ ရည်မှန်းချက်ကြီးတတ်ကြပြီး သူတို့အတွက် မဖြစ်သင့်တာမျိုးတွေဆို ပိုပြီး ရယူဖို့ ကြိုးစားတတ်ကြပါတယ်။ မလုပ်သင့်တာကို လုပ်ဖို့ ကြိုးစားမိတတ်တဲ့ စိတ်ကြောင့် သစ္စာဖောက်နိုင်ချေများကြပါတယ်။

(၁၀) Pisces (မိန်)- Feb 19 to Mar 20

မိန်ရာသီဖွားတွေဟာ လူမှုရေးလည်း အရမ်းကောင်းကြတာကြောင့် သစ္စာမရှိကြတာလည်း မဆန်းပါဘူး။ အမြဲတမ်း လူများစွာနဲ့ ပေါင်းသင်းဆက်ဆံနေတဲ့အတွက် အချစ်ရေးကလည်း အမြဲတစ်ဦးထက်ပိုပြီး ပေါ်ပေါက်နိုင်ပါတယ်။


(၁၁) Sagittarius (ဓနု)- Nov 13 to Dec 21

ဓနုတွေဟာ ကတိမတည်တတ်တဲ့နေရာမှာ နာမည်ကြီးကြတဲ့အတွက် အခုလိုစာရင်းအောက်ဘက်မှာ ရောက်နေတာပါ။ သူတို့ဟာ အတည်တကျအချစ်ရေးမျိုးကို မလိုလားကြဘဲ သူတို့ရဲ့ လွတ်လပ်မှုကိုသာ ရှေ့တန်းတင်ကြသူတွေပါ။

(၁၂) Gemini (မေထုန်)- May 21 to June 21

မေထုန်တွေဟာ အလွန်ပြောင်းလဲလွယ်တတ်ကြတဲ့အတွက် သင့်အပေါ်မှာ သစ္စာမရှိနိုင်ချေအများဆုံး ရာသီဖွားပဲဖြစ်ပါတယ်။ သူတို့ကို လူများစွာ စိတ်ဝင်စားလာအောင်လည်း လုပ်တတ်ကြပြီး အကုန်လုံးကိုလည်း ပြန်လှည့်စားတတ်သူတွေပါ။ အချစ်ရေးအတွက် တစ်ယောက်နဲ့ မကျေနပ်နိုင်ကြပါဘူး။

Ref: Relationship Rules

Be the first to comment

Leave a Reply

Your email address will not be published.


*