တစ်ရက်တည်းမှာ ရည်းစား(၅)ယောက်အတွက် ကိတ်မုန့်ပို့ခိုင်းခဲ့တဲ့ အမျိုးသား

မကြာခင်မှာ ကျရောက်လာတော့မယ့် ချစ်သူများနေ့အတွက် ပစ္စည်းမှာတာ၊ စီစဉ်တာတွေကို အခုကတည်းကိုက ကြိုပြီး လုပ်နေခဲ့ကြပါပြီ။ ချစ်သူများနေ့ဆိုတော့ ပန်းစည်းလေးတွေ၊ ချောကလတ်တွေအပြင် အခုနောက်ပိုင်း ခေတ်စားလာတာကတော့ ကိတ်မုန့်လေးတွေ ပေးတာမျိုးပေါ့နော်။

World of Buzz ရဲ့ ဖော်ပြချက်အရ မလေးရှားက အမျိုးသားတစ်ယောက်ကတော့ ကိတ်မုန့်ဆိုင်လေးတစ်ခုကို အွန်လိုင်းကနေပြီး အထူးအဆန်းအနေနဲ့ အော်ဒါလာတင်ခဲ့ပါတယ်တဲ့။ အဲဒါကတော့ တစ်ယောက်တည်းနဲ့ ကိတ်မုန့် ၅ လုံးမှာခဲ့တာပါ။


ဆိုင်နာမည်ကတော့ Pandora Cake House ပါတဲ့။ We Chat မှ တစ်ဆင့် message ပို့ထားခဲ့တာဖြစ်ပြီးတော့ လာမှာတဲ့ ပုံစံကတော့ လာမယ့် ဖေဖော်ဝါရီလ ၁၄ ရက်နေ့အတွက် ကိတ်မုန့် ၅ လုံးမှာချင်ပါတယ်တဲ့။ ကိတ်မုန့် ၅ လုံးကိုလည်း တစ်လုံးစီကို မတူညီတဲ့နေရာတွေကို ပို့မှာပါတဲ့။ ကျွန်တော့်မှာ ကောင်မလေး ၅ ယောက်ရှိတော့ ကိတ်မုန့်ပေါ်မှာ ရေးမယ့်စာတွေကိုတော့ အသေးစိတ် သေချာလေး ပို့လိုက်ပါ့မယ်ဆိုပြီး ပြောထားခဲ့တာပါ။


ဒါကို screenshot ပြီးတော့ Facebook မှာ ပြန်တင်ရင်းနဲ့မှ လူတွေရဲ့အာရုံစူးစိုက်မှုကို ခံခဲ့ရပါတယ်။ တစ်ချို့လူတွေရဲ့ comment ကတော့ သနားဖို့တောင်ကောင်းတယ်။ ချစ်သူများနေ့ဆိုတာနဲ့ မသက်ဆိုင်တာ ငါတစ်ယောက်တည်းလားတဲ့။ ဒါပေမဲ့ “Dear Baby, due to the pandemic I can’t celebrate Valentine’s Day with you again. Hope our love will be as sweet as this cake.” ဆိုတဲ့စာကိုတော့ အကုန်လုံး အတူတူရေးပေးပါတဲ့။

 

Be the first to comment

Leave a Reply

Your email address will not be published.


*