လောကမှာချစ်ခြင်းမေတ္တာကို(တကယ်)မလိုတဲ့သူတွေအများကြီးပါ…

ကိုယ့်ကိုယ်ကိုယ်သိပ်ချစ်နေတဲ့သူကိုယ့်ကိုယ်ကိုယ်သိပ်အမွှန်းတင်နေတဲ့သူကိုယ့်ကိုယ်ကိုယ်သိပ်အထင်ကြီးတတ်တဲ့သူကို ဘယ်တော့မှမချစ်မိစေနဲ့..၊

သူတို့မှာကိုယ်ချင်းစာတရားမရှိဘူးသူ့ဘက်ကိုယ့်ဘက်ဘယ်တော့မှထည့်မတွေးတတ်ဘူးသူတို့သာလျှင်တော်တယ်သူတို့သာလျှင်တတ်တယ်သူတို့ဘဝကမှတကယ်ကြိုးစားတာကျန်တဲ့သူတွေက မသိ/မတော်/မတတ်ဘူးကျန်တဲ့သူက အလကား..၊

ဘယ်လိုပဲညှိနှိုင်းမှုတွေလုပ်ပါစေမူလအခြေခံစိတ်ဓာတ်ကိုကဘဝင်မြင့်နေတဲ့အတွက်အတ္တကြီးနေတာဖြစ်တဲ့အတွက်ကိုယ်ချင်းစာခြင်းဆိုတာဖြစ်လာမှာမဟုတ်ပါဘူး..။

တဏှာအတွက်လိင်ကိစ္စအတွက်ပက်သက်တယ်အပျင်းပြေအဖော်ရအောင်တွဲတယ်တခြားကိစ္စတစ်ခုခုနဲ့ပက်သက်တယ်ဒါပေမယ့် ရင်ထဲမှာမူလကတည်းကချစ်ခြင်းမေတ္တာအတွက်ပြင်ဆင်ထားခြင်းမရှိလို့..၊

သူတို့ရဲ့အချစ်တွေဟာ ခဏအတွင်းပျောက်ကွယ်သွားတတ်တယ်သည်းခံနိုင်စွမ်းတွေဟာဘာမဟုတ်တဲ့ကိစ္စလေးတွေမှာတင်ပျောက်သွားကြပါတယ်..။

သူတို့ကိုယ်သူတို့သာချစ်ကြတဲ့အတွက်တစ်စုံတစ်ယောက်ကိုတစ်ခုခုအလျှော့ပေးပြီးချစ်ဖို့ဆိုတာဘယ်တော့မှဖြစ်လာမှာမဟုတ်ပါဘူး..။

သူတို့ကိုယ်သူတို့သာအတော်ဆုံးလို့သက်မှတ်ထားတဲ့အတွက်သင့်ဆီမှာရှိတဲ့ဘယ်အရာကိုမှအထင်ကြီးလေးစားလာမှာမဟုတ်ပါဘူး..။

သူတို့ကိုသူတို့သာအဆင်ပြေအောင်နေကြတာမို့သင့်ရဲ့အဆင်မပြေမှုတွေကိုဘယ်တော့မှ မျှဝေယူမှာမဟုတ်ပါဘူး..။

သူတို့ဟာ သင်တင်မကဘူးဘယ်သူနဲ့မှသူတို့နဲ့မတန်ဘူးလို့တွေးထင်နေကြသူတွေပါ..။

သင့်ရဲ့ခက်ခဲတဲ့အချိန်ရုန်းကန်ရမယ့်အချိန်တွေကိုပထမတစ်ခေါက်နှစ်ခေါက်တော့ချစ်ခြင်းမေတ္တာအရအားနာပါးနာမျှဝေယူပေမယ့်နောက်အခေါက်တွေမှာတော့အလိမ္မာသုံးပြီးအသာရှောင်ထွက်သွားမှာပါ..။

သူတို့ရဲ့အခက်အခဲမဟုတ်တဲ့တခြားသူရဲ့အဆင်မပြေမှုတွေကိုမျှဝေယူဖို့အထိသူတို့စိတ်တွေဟာ မချောမွေ့ကြပါဘူး..။

တကယ်တော့ သူတို့ဟာဘယ်သူ့ကိုမှ မလိုအပ်တဲ့လူတွေဖြစ်ပါတယ်ခဏတဖြုတ်လိုအပ်ချက်အရသင့်ကိုလာရောက်ပတ်သက်ကြတာဖြစ်ပါတယ်..။

ချစ်ခြင်းမေတ္တာအတွက်စိတ်စေတနာကောင်းမရှိဘူးသည်းခံနိုင်စွမ်းမရှိဘူးပေးဆပ်ဖို့အတွက်သတ္တိမရှိဘူးအနစ်နာခံဖို့နှလုံးသားမရှိဘူး..။

သူတို့ကိုသွားချစ်မိရင်အချိန်တွေကုန်မယ်မျှော်လင့်ချက်တွေပျောက်ဆုံးမယ်အနာဂတ်အတွက်သင့်စိတ်ကူးတွေအလဟဿဖြစ်မယ်နောက်ဆုံးနောင်တတွေနဲ့ကျန်ခဲ့လိမ့်မယ်ဒါပါပဲ..၊

ဒီလိုလူတွေအတွက်အကြင်နာတကယ်စစ်ရင်လည်းအသွားနဲ့အပြန်မရှိနိုင်ပါဘူးဘယ်လိုပေးဆပ်ပေးဆပ်သင့်စေတနာတွေကိုသူခံစားနိုင်မှာမဟုတ်ပါဘူး..။

တကယ်လို့သင်ချစ်နေတဲ့လူ ဒါမှမဟုတ်ချစ်လိုက်တော့မယ်လို့ဆုံးဖြတ်ထားတဲ့လူကဒီလိုစရိုက်တွေရှိနေရင်တော့စွန့်လွှတ်နိုင်ဖို့သာကြိုးစားပါခပ်မြန်မြန် ရှောင်ပြေးဖို့သာစဉ်းစားပါ..။

လောကမှာချစ်ခြင်းမေတ္တာကို(တကယ်)မလိုတဲ့သူတွေအများကြီးပါ..။